Sunday, 1 April 2012

എന്‍റെ റോസി



പ്രിയ റോസി,  സ്നേഹം എന്താണെന്ന് നീയാണെനിക്കാദ്യം പഠിപ്പിച്ചു തന്നത്.
എനിക്കു വേണ്ടി എന്തും ചെയ്യാന്‍നീ തയ്യാറായിരുന്നു. നമ്മള്‍ ഒരുമിച്ചു കഴിഞ്ഞ 
ആ നല്ല നാളുകള്‍ എന്‍റെ മനസ്സില്‍ എപ്പോഴും തെളിഞ്ഞു വരാറുണ്ട്. 
സ്നേഹിച്ചവര്‍ വഞ്ചിച്ചാല്‍ അതു പെട്ടെന്നു മനസ്സിലാക്കാന്‍ കഴിഞ്ഞെന്നു 
വരില്ല, അതാണു നിനക്കും സംഭവിച്ചത്, ഞാന്‍ നിന്നെ
വഞ്ചിച്ചു എന്നു നീ അറിഞ്ഞപ്പോഴേക്കും നീ ഈ ലോകത്തു
നിന്നും വിട പറ്ഞ്ഞിരുന്നു.അവസാന നിമിഷത്തില്‍
‘എന്നോട് എന്തിനിങ്ങിനെയൊരു കടും കൈ ചെയ്തു`
എന്നചോദ്യവുമായി കണ്ണടച്ച നിന്‍റെ മുഖം എന്‍റെ
മനസ്സില്‍ നിന്നും ഇപ്പോഴും മാഞ്ഞിട്ടില്ല.എനിക്കത്
ഈ ജീവിതത്തില്‍ മറക്കാന്‍ കഴിയുകയില്ലെന്ന
സത്യം നിനക്കും നന്നായറിയാം.

 ആള്‍സെഷ്യന്‍ ജനുസ്സില്‍ പെട്ട നിന്‍റെ മാതാവ് നിന്നെ പ്രസവിച്ച
 കാര്യം അറിഞ്ഞപ്പോള് ഞാനവിടെയെത്തി നിന്നെയും
നിന്‍റെ സഹോദരന്മാരെയും നോക്കി നില്‍കുമായിരുന്നു,
അഞ്ച് ആങ്ങളമാര്‍ക്കുള്ള ഒരേയൊരു  പെങ്ങളായിരുന്നു നീ
നിന്നെ വീട്ടിലേക്ക് കൊണ്ടു വരുവാന്‍ ഞാനന്ന് എന്തെല്ലാം
സാഹസങ്ങളും ത്യാഗങ്ങളും ചെയ്തു എന്നത് നിനക്കറിയില്ല.
നിനക്കു വേണ്ടി ഞാന്‍ ആഹാരംപോലും ബഹിഷകരിച്ചിരുന്നു
എന്‍റെ പിടിവാശിക്കു മുന്നില്‍ പിടിച്ചു നില്‍ക്കാന്‍ കഴിയാതെയാണ്
നിന്നെ വീട്ടിലോട്ടു കൊണ്ടു വരാന്‍ ഉമ്മ സമ്മതിച്ചത്.
ലോകം കീഴടക്കിയ സന്തോഷത്തോടെ നിന്നെ എന്‍റെ മാറോടണച്ചു
പിടിച്ച് വീട്ടിലേക്ക് കൊണ്ടു വരുമ്പോള്‍ നീ  കുഞ്ഞു നാവു
കൊണ്ടു എന്‍റെ കയ്യില്‍ നക്കി ചെറിയ ശബ്ദം പുറപ്പെടുവിച്ചിരുന്നു.
ആ വരുന്ന വഴിക്ക് തന്നെ നിനക്കു റോസി എന്നു പേരിടുകയും ചെയ്തു.

 നിനക്കു പാല്‍ തരുവാന്‍ വേണ്ടി വീട്ടിലെ ഒരു നല്ല സ്റ്റീല്‍ പാത്രം
എടുത്തതിന് ഉമ്മ എന്നെ ശകാരിച്ചത് കേട്ട് നീ എന്‍റെ മുഖത്തേക്ക് സങ്കടത്തോടെ
നോക്കി നിന്നത് ഞാനിപ്പോഴും  ഓര്‍ക്കുന്നു. പിന്നെ പിന്നെ
ഉമ്മാക്കും നിന്നെ ഇഷ്ടമായി തുടങ്ങി. നിന്‍റെ കുസൃതികളെല്ലാം ഞങള്‍
ആസ്വദിച്ചിരുന്നു.ഒരു ദിവസം മുറ്റത്ത്  പാമ്പിഴയുന്നത് കണ്ടപ്പോള്‍  നീ ഉറക്കെ  കുരച്ച് ഞങ്ങളെ വിവരം അറിയിച്ചതടക്കം  ഞങ്ങള്‍ക്കായുള്ള നിന്‍റെ എണ്ണമറ്റ സേവനങ്ങള്‍ .ഞാനിപ്പോഴും ഓര്‍ക്കുന്നു.

ഞാന്‍ സ്കൂളില്‍  പോവുമ്പോള്‍ അടുത്തുള്ള തോടു വരെ നീ 
കൂടെ വന്നു സ്നേഹം പ്രകടിപ്പിക്കാറുണ്ടായിരുന്നു.സ്കൂളിലെ ശത്രുക്കള്‍
ആരെങ്കിലും നിന്നെ കണ്ടു കല്ലെടുത്തെറിയുമോ എന്ന ഭയത്താല്‍
നിന്നോട് ഞാന്‍ തിരിച്ചു പോകാന്‍ പറയുകയായിരുന്നു പതിവ്.
സ്കൂള്‍ കഴിഞ്ഞു തിരിച്ചുവീട്ടില്‍ എത്തുമ്പോള്  ഓടി വന്നു എന്റ്റെ
കാലുകളില്‍ നിന്‍റെ ശരീരം ഉരച്ച് നീ സ്നേഹം പ്രകടിപ്പിക്കുമായിരുന്നു,
വീട്ടില്‍ വിരുന്നുകാര്‍ വരുമ്പോള്‍ കൊടുക്കാന്‍ വച്ച ബിസ്കറ്റ് നിനക്കു
തരുന്നതിനു ഉമ്മയുടെ അടി എനിക്കു കിട്ടിയതിനു കണക്കുണ്ടാകില്ല.

  മറ്റാരോടും ഇല്ലാത്ത ഒരു സ്നേഹമായിരുന്നു എനിക്കു നിന്നോടുണ്ടായിരുന്നത്.
അത് നീ മനസ്സിലാക്കിയിരുന്നതു കൊണ്ടല്ലേ  കഴുത്തില്‍ കയര്‍
ഇടാന്‍ നീ എന്നെ അനുസരിച്ചതു,അവസാനനിമിഷം വരെയും
നിനക്കെന്നെ പൂര്‍ണ്ണ വിശ്വാസമായിരുന്നു.നമ്മുടെ ബന്ധത്തില്‍
ഉലച്ചില്‍ വന്നതെവിടെ ആണെന്നു നിനക്കോര്‍മ്മയുണ്ടോ?
നീ വളര്‍ന്ന് വലുതായി സുന്ദരി ആയപ്പോള്‍ നിന്നെ തേടി
കാമുകന്മാര്‍ എത്തി നമ്മുടെ വീട്ടില്‍ സ്ഥിര താമസം ആക്കിയപ്പോള്‍
വീട്ടിലോട്ട് ആര്‍ക്കും വരാന്‍ കഴിയാത്ത ഒരു അവസ്ഥയായി മാറി.
അവരോട് ഇറങ്ങിപോവാന്‍ പറയാന്‍ ഞാന്‍ നിന്നോട് പറ്ഞ്ഞപ്പോള്‍
നീ ഒന്നും പറയാതെ തലയും കുനിച്ചു നില്കുകയാണു ചെയ്തത്..അത്രയും
കാലം വളര്‍ത്തി വലുതാക്കിയ എന്‍റെ വാക്കിനു നീ ഒരു വിലയും കല്പിച്ചില്ല.

 ഒരു ദിവസം സ്കൂളില്‍ നിന്നും ഉച്ചക്കു ഭക്ഷണം കഴിക്കാന്‍ ഓടി
വന്ന എന്നെ  നിന്‍റെ കാമുകന്മാര്‍ വീടിനു ചുറ്റും ഇട്ടോടിച്ചപ്പോള്‍
നീ നിസ്സംഗതയോടെ നോക്കി നിന്നതു എന്‍റെ മനസ്സിനെ വേദനിപ്പിച്ചു.
ഞാന്‍ വലിയ വായില്‍ നില വിളിച്ചു ജനലിന്‍റെ മുകളിലോട്ടു
കയറിയ സമയത്തു ഉമ്മ വടിയുമായി എത്തി നിന്‍റെ കാമുകന്മാരെ
ഓടിച്ചതു കാരണമാണു ഞാന്‍ രക്ഷപെട്ടതു അല്ലെങ്കില്‍  പുക്കിളില്‍
പത്തു സൂചി ഡോക്ട്ടര്‍ കുത്തിക്കയറ്റുമായിരുന്നു.
അതില്‍ പിന്നെയാണു ഞാന്‍ ഒരു പ്രതികാരദാഹിയായി മാറിയത്,
 നീ ആണു എല്ലാറ്റിനും കാരണം എന്നു ഞാന്‍ ഉറച്ചു വിശ്വസിച്ചു ആ
ദേഷ്യത്തില്‍ ആണു ഞാന്‍ കയറുമായി വന്നു നിന്നെ വിളിച്ചതു,
ഞാന്‍ കയറില്‍ ഒരു കുടുക്കിട്ടു നിന്‍റെ കഴുത്തില്‍ ഇട്ടപ്പോള്‍ നീ
ഒന്നു പ്രതിഷേധിച്ചതു പോലും ഇല്ല. ആ കയറ് അടുത്തുള്ള
മാവിന്‍റെ കൊമ്പിലൂടെ ഇട്ട് നിന്നെ വലിച്ചു  പൊക്കി അടുത്തുള്ള
തെങ്ങില്‍ കെട്ടി വെച്ഛപ്പോള്‍ നീ പ്രാണവേദന കൊണ്ടു പിടയുകയായിരുന്നു.
അനക്കമറ്റ നിന്‍റെ ശരീരം ആ മാവിനു താഴെ തന്നെ
ഞാന്‍ ഒരു കുഴിയെടുത്ത് മൂടി.

നീ എന്നെ സ്നേഹിച്ചതു പോലെ നിസ്വാര്‍ഥമായ ഒരു സ്നേഹം
ഞാന്‍ പിന്നീട് ആരിലും കണ്ടിട്ടില്ല.പെട്ടെന്നുള്ള ദേഷ്യത്തിലാണ്
അന്നങ്ങിനെ  ഒരു കടുംകൈ ചെയ്തു പോയതു,അതിനെ
കുറിച്ച് ആലോചിക്കാന്‍ ഉള്ള പ്രായം അന്നെനിക്കില്ലാത്തതിനാലാവാം
അങ്ങിനെ സംഭവിച്ചത്.ഒരു ആറാം ക്ലാസുകാരനു  ചിന്തിച്ചാല്‍ തന്നെ

എത്ര ചിന്തിക്കാന്‍ കഴിയും.അതു സ്നേഹമുള്ള നീ മനസ്സിലാക്കും
എന്ന പ്രതീക്ഷയോടെ ഞാന്‍ നിര്‍ത്തുന്നു...

സ്വന്തം
ഇന്നും നിന്നെ കുറിച്ച് ആലോചിക്കുന്ന നിന്‍റെ യജമാനന്‍..

4 comments:

  1. ennalum rosiyodithu cheythallo nowshe neee,,,,,,,,,,,,,

    ReplyDelete
  2. ഹും ..ജീവനോടെ കെട്ടി തൂക്കി കൊന്നിട്ട് പറയുന്നത് കേട്ടില്ലേ..ആറാംക്ലാസ്കാരന് ഇത്രേ അറിവേയുള്ളൂന്നു ...അപ്പൊ കുറെ കൂടി അറിയാമയിരുന്നെങ്കിലോ???!!!!!!!!


    കൊള്ളാം ...കഥ ഇഷ്ടായി ,,,,,,,,,,,

    ReplyDelete