Wednesday 4 April 2012

1998ലെ ഔദ്യോഗിക ജീവിതത്തില്‍ നിന്നും ഒരു ദിവസം....!

സമയം രാവിലെ 3:45 അലാറം അടിക്കുന്ന ശബ്ദം കേട്ട് ചാടിയെഴുന്നെറ്റു നെരെ സ്വെറ്റര്‍ എടുത്തിട്ടു ബാത്ത്റൂമിലോട്ടു ഓടി, എന്തിനാ സ്വെറ്റെര്‍ ഇട്ടെ എന്നു നിങള്‍ക്കു സംശയം ഉണ്ടാകും ആസ്ബെസ്റ്റോസ് മേഞ കൂരയാണു ഞങളുടെ ക്യാമ്പ്, ഇതില്‍ നിന്നും ഡോര്‍ തുറന്നാല്‍ നേരെ പുറത്തെ തണുപ്പിലോട്ടാണു ഇറങുക.ഹോ ആ തണുപ്പ് സഹിക്കാന്‍ കഴിയില്ല. ഓടിപ്പോയി റ്റോയ്ലെറ്റിലോട്ടുള്ള ക്യൂവില്‍ നില്‍ക്കുന്നു അങിനെ ഒരു വിധം റ്റോയ്ലറ്റ് എല്ലാം കഴിഞ്ഞു നേരെ ബാത്ത്റൂമിലോട്ടുള്ള ക്യൂ നിന്നു.ചൂടുവെള്ളം എന്നതു 3 മണിക്ക് എണീറ്റ് വരുന്ന ഏതാനും ചില ഭാഗ്യവാന്മാര്‍ക്ക് പറഞ്ഞിട്ടുള്ളതാണു.ആ മരം കോച്ചുന്ന തണുപ്പില്‍ തണുത്ത വെള്ളത്തില്‍ കുളിച്ച് പുറത്തിറങി, ഡ്രെസ്സ് ചെയ്തു മെസ്സില്‍ കേറി റബ്ബര്‍ ഷീറ്റും (പോറോട്ടയുടെ കനവും വലിയ ചപ്പാത്തിയുടെ വലുപ്പവും രബ്ബര്‍ഷീറ്റിന്‍റെ ആക്രിതിയും ഉള്ള മൈദ കൊണ്ടുള്ള ഒരു സംഭവം) കറിയും കഴിച്ചു, 

ഹോ സമയം പോയി ..! സൈറ്റിലോട്ടുള്ള മിനി ബസ് 5:10നു പോകും . അഞ്ചു മണിക്കെങ്കിലും കേറിയിരുന്നില്ലെങ്കില്‍ നടുവിലെ സീറ്റ് കിട്ടുന്ന ഹതഭാഗ്യരില്‍ ഞാനും ഉള്‍പെടും. മടക്കി വെക്കുന്ന ആ സീറ്റില്‍ ഇരുന്നാല്‍ ചാരി ഇരിക്കാന്‍ കഴിയില്ല, എന്നതിനു പുറമെ രാവിലെത്തെ ഉറക്കവും നഷ്ടപ്പെടും. 45മിനുട്ട് അങിനെ ചാഞ്ഞിരിക്കേണ്ടി വരും ഭാഗ്യത്തിനു ഞാന്‍ കേറുമ്പൊള്‍ സൈഡിലെ സീറ്റ് കാലിയുണ്ടു, നേരെ കേറിയിരുന്നു ഉറങി സൈറ്റിലെത്തി. തലേന്നു രാത്രി ചെയ്തു വെച്ച ജോലിയുടെ ബാക്കി എടുത്തു ചെയ്യാന്‍ തുടങി. ഇന്നു രാവിലെ സബ്മിറ്റ് ചെയ്യണം എന്നു, ഇന്നലെ വൈകീട്ട് അഞ്ചു മണിക്കു വന്നു പറ്ഞ്ഞുപോയതാ മാനെജര്‍, അവനൊക്കെ പറ്ഞ്ഞു പോയാല്‍ മതിയല്ലൊ.....ഇന്നലെ രാത്രി 12 മണി വരെ പണിതാണു പകുതിയെങ്കിലും തീര്‍ക്കാന്‍ കഴിഞ്ഞതു. പണ്ടു തുമ്പിയെ കൊണ്ടു കല്ലെടുപ്പിച്ചതിനുള്ള ശിക്ഷയാണു ഇവനെ ഒക്കെ മാനേജര്‍ അയികിട്ടാന്‍ കാരണം എന്നു ഞാന്‍ സ്വയം സമാധാനിക്കും.

രാത്രി 8 മണിക്കെങ്കിലും റൂമില്‍ തിരിച്ചെത്തുക എന്നുള്ളതു ആ കാലത്തെ എന്‍റെ ഏറ്റവും വലിയ ആഗ്രഹങളില്‍ ഒന്നായിരുന്നു. പക്ഷെ അതു വെറും ആഗ്രഹമായിതന്നെ നിലനില്‍ക്കുകയാണു ചെയ്തതു. നോര്‍മലി എല്ലാദിവസ്വും 10 മണിക്കാണു തിരിച്ചു ക്യാമ്പില്‍ എത്തുക. കാലമാടന്‍ മാനേജര്‍ നാളെ തീര്‍ക്കണം എന്നു പറ്ഞ്ഞു വന്നാല്‍ രാത്രി 12 മണി വരെ ഇരുന്നെ പറ്റൂ.

സമയം രാവിലെ 9 മണിയായി മാനെജര്‍ എത്തി, നേരെ എന്‍റടുത്ത് വന്നു. അവന്‍റെ മുഖം കണ്ടാല്‍ തന്നെ അറിയാം അവനിന്നു ഭാര്യയില്‍ നിന്നും തെറി കിട്ടിയാണു വന്നിരിക്കുന്നത്. ഇന്നു ആ ദേഷ്യം മുഴുവന്‍ എന്‍റെ മേല്‍ തീര്‍ക്കും. എന്നത്തെയും പോലെ ആ ചോദ്യം ആവര്‍ത്തിച്ചു, പണി തീര്‍ത്തോ? കുറച്ചു കൂടി ബാക്കി ഉണ്ടെന്നു പറ്ഞ്ഞു, പിന്നെ 10 മിനിറ്റ്  എഫ് ഇല്‍ തുടങുന്ന വാക്ക്   ചേര്‍ത്തുള്ള ഒരു 10 തെറി, ‘നിന്നെ ഞാന്‍ ഇന്നു റ്റെര്‍മിനേറ്റ് ചെയ്യും നീ പണി ചെയ്യാന്‍ കള്ളനാണ്’‘ തുടങിയ പതിവു ഡയലോഗും അടിച്ചു. ഇതെന്നും കേള്‍കുന്നതു കാരണം ഞാന്‍ അത്ര കാര്യമാക്കിയില്ല. നാലാള്‍ ചെയ്യേണ്ട പണിയാണു ഒറ്റക്കു എന്നെ കൊണ്ടു ചെയ്യിക്കുന്നതു എന്നു അവനു തന്നെ അറിയാം പക്ഷെ സമ്മതിച്ചു തരില്ല. 

11 മണിയോടെ ഡ്രോയിങ് എല്ലാം തീര്‍ത്ത് കൊണ്ടു പോയി കൊടുത്തു. തിരിച്ചു വരുമ്പോള്‍ തന്നെ അടുത്ത പണി തന്നു.വൈകുന്നെരം ആകുമ്പോഴെക്കും അത് തീര്‍ന്നിരിക്കണം.ആ ലക്ഷ്യം മാത്രം മുന്നില്‍ വെച്ചു പണിയെടുത്തു കൊണ്ടിരുന്നു. ലഞ്ച്ബ്രേക് ഒരു മണിക്കൂര്‍ ഉണ്ടെന്നാണു വെപ്പ്, പക്ഷെ ഒരു ചിക്കന്‍ സാന്‍ഡ്വിച്ച് കഴിക്കാനുള്ള സമയമേ സാധാരണ കിട്ടാറുള്ളൂ. ഇന്നു ഭാഗ്യത്തിനു അഞ്ചു മണിക്കുള്ള ഓര്‍ഡര്‍ ഒന്നും കിട്ടിയിട്ടില്ല, 10 മണിക്കെങ്കിലും റൂമിലെത്താം എന്ന സന്തോഷത്താല്‍ എന്‍റെ മനസ്സില്‍ കുറെയധികം ലഡ്ഡു പൊട്ടി കൊണ്ടേ ഇരുന്നു.

സമര്‍പ്പണം
ഇന്നു എല്ലാ സൌകര്യങ്ളും ഉണ്ടായിട്ടും അതൊന്നും മനസ്സിലാക്കാതെ ജീവിക്കുന്നവര്‍ക്കു വെണ്ടി....!!

5 comments:

  1. പണ്ടു തുമ്പിയെ കൊണ്ടു കല്ലെടുപ്പിച്ചതിനുള്ള ശിക്ഷയാണു ഇവനെ ഒക്കെ മാനേജര്‍ അയികിട്ടാന്‍ കാരണം എന്നു ഞാന്‍ സ്വയം സമാധാനിക്കും........... aa angane pandu cheytha pathakangallku kiitunn oro shikshayee......

    ReplyDelete
  2. all the best nowshee.........

    ReplyDelete
  3. നന്നായിട്ടുണ്ട്...

    ReplyDelete
  4. ആ സമര്‍പ്പണം വായിച്ചാ നമുക്ക് തോന്നും ഇപ്പൊ അങ്ങ് നന്നായെന്നു...എവിടെ?????????അതിപ്പോഴും റോസീടെ വാലുപോലാ !!!!!!!!!!!!

    ReplyDelete